AKTUALITET, 5 Korrik 2023, 17:41

Edmond Spaho: Clinton ra në lojën e Ramës, qëllimi ishte t’i dërgohej një mesazh Kosovës

Edmond Spaho: Clinton ra në lojën e Ramës, qëllimi ishte

Deputeti i Partisë Demokratike, Edmond Spaho ka komentuar anulimin e “Open Ballkan”, ndërsa shtoi se nuk ka pasur asnjë përfitim nga kjo nismë. Spaho tha se ish-presidenti Clinton ra në lojën e Ramës, ndërkohë që sipas tij qëllimi ishte që t’i dërgohej mesazh Kosovës.

“Siç nis me qëllime të turpshme ashtu edhe përfundoi. Ne jemi një republikë ‘despotike’. Çfarë kreu, çfarë misioni? Sot situata në rajon është më e vështirë sesa dikur në rajon.” -tha Spaho në Report Tv. I pyetur për refuzimin e Kurtit për takimin me kryeministrin, Spaho tha se e meritonte.

“Rama mori përgjigje që meriton nga Kurti pasi anulimi i mbledhjeve të dy qeverive ishte i papranueshëm. Një veprim i një diletanti politik dhe që i ka lidhur interesat me Vuçiç. Ishte barrë ndaj Kosovës pa merituar”,- tha Spaho. Një koment e pati edhe për vizitën e ish presidentit Bill Clinton në Shqipëri ku tha se Rama e përdori për qëllime politike ndërsa shprehu pakënaqësinë se nuk ishte i ftuar. “Nuk isha i ftuar te Clinton. U privatizua nga Rama e përdori për objektivat e tij politik. Cliton ra në lojën e Ramës. Qëllimi ishte t’i dërgohej një mesazh Kosovës”, -thotë Spaho.