TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Tre nga shqiptarët që u evakuuan nga Izraeli për shkak të sulmeve kanë mbërritur në Tiranë. Ministria e Jashtme thotë se 5 shqiptarët mbërritën këtë mëngjes në Greqi.
Tashmë, 3 prej tyre ndodhen në Tiranë dhe 1 do të kthehet mbrëmje. Personi i pestë është rezident në Greqi dhe do të qëndrojë në vendin fqinj
"MEPJ përmes ambasadave të saj ka ndjekur me vëmendje në çdo etapë evakuimin e 5 shqiptarëve nga Izraeli, të cilët kanë mbërritur shëndosh e mirë në orët e para të mëngjesit në Athinë.
3 prej tyre kanë vazhduar rrugën dhe gjenden tashmë në Tiranë; njëri kthehet sonte në mbrëmje në Shqipëri; ndërsa personi i pestë është rezident në Greqi dhe do të qëndrojë në vendin fqinj”, njofton Ministria e Jashtme.
Me heret, ministri për Evropën dhe Punët e Jashtme, Igli Hasani konfirmoi se të gjithë qytetarët shqiptarë kanë mbërritur të sigurt në Athinë në orët e para të mëngjesit.
Sipas deklaratës së ministrit, tre prej tyre kanë vazhduar udhëtimin drejt Tiranës dhe ndodhen tashmë në Shqipëri. Një tjetër pritet të mbërrijë mbrëmjen e sotme, ndërsa personi i pestë, që është rezident në Greqi, ka vendosur të qëndrojë në vendin fqinj.
"MEPJ përmes ambasadave të saj ka ndjekur me vëmendje në çdo etapë evakuimin e 5 shqiptarëve nga Izraeli, të cilët kanë mbërritur shëndosh e mirë në orët e para të mëngjesit në Athinë," tha Hasani.
Evakuimi vjen në një moment tensioni të lartë në Lindjen e Mesme, pas sulmeve të drejtpërdrejta mes Izraelit dhe Iranit, që kanë shtuar rrezikun për civilët dhe të huajt e ndodhur në zonën e konfliktit.
