TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një aksident ka ndodhur pasditen e sotme pranë shkollës "Ismail Qemali" në Tiranë.
Mësohet se një mjet i ka prerë rrugën një motori dhe për pasojë kanë mbetur të plagosur dy persona që udhëtonin me motomjet.
Ata janë dërguar në spital dhe sipas informacioneve paraprake, gjendja e njërit prej tyre është e rëndë.
Policia dhe grupi hetimor kanë kryer veprimet për zbardhjen e rrethanave të aksidentit.
Njoftimi i policisë:
Me datë 17.05.2025, rreth orës 19:15, në bulevardin “Zhan D’ark”, automjeti me drejtues shtetasin L. M., është përplasur me motomjetin me drejtues shtetasin J. I dhe pasagjer shtetasin A. M.
Si pasojë e përplasjes janë dëmtuar shtetasit J. I dhe A. M, të cilët janë dërguar në spital dhe ndodhen nën kujdesin e mjekëve.
Grupi hetimor punon për sqarimin e rrethanave të aksidentit.
