TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Analisti Neritan Sejamini e pyeti kryeministrin Edi Rama në studion e emisionit “Të Paekspozuarit” për takimet me ish-zyrtarin e lartë të FBI-së, Charles McGonigal, në Tiranë dhe në SHBA, të cilin ai e kishte konsideruar si mikun e tij, një vit më parë.
Rama nuk iu përgjigj pyetjes së analistit nëse ndihet i mashtruar nga ish-zyrtari që po ndiqet tashmë penalisht në SHBA për disa vepra penale, duke thënë se kjo është çështje e drejtësisë amerikane.
Debati në studio:
Neritan Sejamini: Ju në të gjithë takimet që patët me McGonigal, ju nuk dyshuat asnjëherë që ai nuk vinte si zyrtar i FBI?
Edi Rama: Ai është njeri real atje, një nga zyrtarët më të lartë. Çfarë të dyshoja unë?
Neritan Sejamini: Që po vinte për interesa private.
Edi Rama: Nuk ka ndarë me mua asnjë interes privat ai. Të dyshoja unë që ai vinte të vidhte luleshtrydhe me Deripaskën….?!
Neritan Sejamini: Si ndiheni sot, ndiheni i mashtruar që ka ardhur dhe mund të ketë bërë diçka që ne nuk e dimë akoma?
Edi Rama: Po çfarë pyetje është kjo? Mund të ketë bërë diçka që ne nuk e dimë? Si të them unë mund të kesh bërë ti diçka që Ylli nuk e di? Nuk është detyra ime të zbatoj në emër të të tjerëve, ligjet në Amerikë. Është detyra e tyre.
Neritan Sejamini: Si reflektim personal për këtë gjë, që të mos ndodhë në të ardhmen?
Edi Rama: Unë kam takuar Donald Trump-in, FBI ka katër vjet që i rri në qafë. Mos ta takoja unë?
Neritan Sejamini: Po Donald Trump nuk akuzohet se ka fshehur takimet me ty.
