TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Giacomo Vrioni duket në formën e duhur para startit të sezonit në Amerikë me sulmuesin që gjeti dy herë rrugën e rrjetës në ndeshjen miqësore që New Engalnd Revolution luajti ndaj Orlando City. Ishin pikërisht golat e 24-vjeçarit që i dhuruan fitoren New England Revolution me rezultatin 1-2.
Skuadra e Vrionit kaloi e para në disavantazh, megjithatë në fraksionin e dytë sulmuesi shqiptar përmbysi shifrat. Goli i parë u shënua në minutën e 71-të teksa një devijim i lehtë i Vrionit mjaftoi për të mposhtur portierin kundërshtar ndërkohë 11 minuta më pas, lojtari kuqezi shënoi një gol mjaft të bukur me kokë.
I gjendur i vetëm në zonë, Vrioni nuk e fali mundësinë e shfaqur dhe shënoi golin e dytë personal duke i dhuruar fitoren skuadrës së tij. Për Vrionin ishte goli numër tre me fanellën e New England Revolution teksa duket se në sezonin e ri që do të nisë më datë 26 shkurt futbollisti shqiptar do të marrë një rol protagonisti pasi tashmë është edhe i ambjentuar me kampionatin e MLS. Kujtojmë se Vrioni u transferua te New England Revolution nga Juventus në verën e vitit 2022.
#GiacomoVrioni ends the pre season with a win and 2 goals ????????????????
— BSP Football Agency (@bsp_agency) February 19, 2023
???????? Well done @giacomovrioni32
credits: New England Revolution / MLS
.
.#NewEnglandRevolution #MLS #Vrioni #BSPFootballAgency pic.twitter.com/zTwnXBzH4b
