SPORT, 23 Qershor 2022, 11:17

Tërbohen tifozët e Juves, emri i Neymar i bën të ëndërrojnë, po si qëndron e vërteta?

Tërbohen tifozët e Juves, emri i Neymar i bën të

Nga Spanja erdhi një lajm bombë, ku e përditshmja Sport përfshiu emrin e Juves si një nga ekipet që mund të sigurojë shërbimet e Neymar. Kaq ka mjaftuar që tifozët e “Zonjës së Vjetër” të ëndërrojnë për një goditje të bujshme, fundja në një situatë të tillë ishte dhe C.Ronaldo, në fillim dukej një tabu, një ëndërr shumë e madhe, por në fund u bë realitet.

Por a ekzistojnë kushtet që Neymar të vesh fanellën bardhezi? Opsioni që Neymar mund të largohet nga Paris mund të qëndrojë, këtë e la të hapur edhe vetë presidenti Al-Khelaifi, por për të kaluar te Juventus në terma financiarë praktikisht është e pa mundur: Neymar ka një pagë që shkon përtej buxheti apo sakrifice që mund të bëjë Juventus, aktualisht Neymar përfiton 48 milionë euro.

Nëse i referohemi rastit Ronaldo, kur ajo ëndërr u bë realitet, ka një ndryshim shumë të madh, pasi CR7 u transferua falas në Torino, ndërsa për Neymar duhet të blejnë kartonin e brazilianit.

Në çdo rast, në çdo skenar, për momentin Neymar është thjesht një opsesion, një ëndërr që është e destinuar të mbetet e tillë, të paktën për momentin.