TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Senegali ka siguruar kualifikimin në finale të Kupës së Kombeve të Afrikës pas një fitoreje minimale 1-0 ndaj Egjiptit, në një ndeshje të fortë dhe të tensionuar.
Goli i vetëm i takimit erdhi në minutën e 78-të, kur Sadio Mane realizoi një goditje të saktë nga jashtë zonës, duke e dërguar topin në mënyrë perfekte në shtyllën e majtë për 1-0.
Pjesa e parë u karakterizua nga lojë fizike dhe ndërhyrje të forta, me disa kartonë të verdhë.
Kalidou Koulibaly dhe Habib Diarra u ndëshkuan me kartonë të verdhë, duke humbur automatikisht ndeshjen e radhës.
Edhe Hossam Abdelmaguid te Egjipti u penalizua që në minutën e gjashtë, duke lënë gjurmë në ekuilibrat defensiv të skuadrës së tij.
Në fillim të pjesës së dytë, të dy trajnerët ndërhynë për të ndryshuar rrjedhën e lojës. Senegali aktivizoi Lamine Camara në vend të Habib Diarrës, ndërsa Egjipti bëri dy zëvendësime të menjëhershme, me Trezeguet dhe më pas Mostafa Mohamed që hynë në fushë për t’i dhënë më shumë energji repartit ofensiv.
Pavarësisht përpjekjeve të Egjiptit për të barazuar, mbrojtja e Senegalit qëndroi e organizuar dhe e disiplinuar deri në fund.
Zëvendësimet e vonshme, përfshirë hyrjen e Zizo në minutën e 81-të, nuk mjaftuan për të ndryshuar rezultatin.
Me këtë fitore, Senegali kualifikohet në finale, ku do të përballet me fituesin e çiftit tjetër gjysmëfinal Nigeri - Marok.
