TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kupa e Botës 2026 (11 qershor-19 korrik) do të sjellë në skenë jo vetëm talentet e rinj të futbollit botëror, por edhe disa legjenda që vazhdojnë të sfidojnë moshën. Me listat përfundimtare të kombëtareve tashmë të publikuara, vëmendja është përqendruar edhe te lojtarët më të vjetër që do të marrin pjesë në turneun më të madh të futbollit. Interesant është fakti se Lionel Messi nuk bën pjesë në dhjetëshen e parë, ndërsa Cristiano Ronaldo renditet në vendin e dytë.
10. Hernan Galindez (Ekuador) - 39 vjeç, 2 muaj e 12 ditë
Portieri i lindur në Argjentinë, por që përfaqëson Ekuadorin, pritet të jetë zgjedhja e parë e kombëtares së tij në Botëror. Ai është bërë figurë e rëndësishme e ekipit që nga debutimi në vitin 2021.
9. Yuto Nagatomo (Japoni) - 39 vjeç, 8 muaj e 30 ditë
I njohur për periudhën e tij te Interi, Nagatomo vazhdon të jetë pjesë e Japonisë edhe në moshën 39-vjeçare. Mesfushori me përvojë pritet të luajë një rol të rëndësishëm si lider i ekipit.
8. Fernando Muslera (Uruguai) - 39 vjeç, 11 muaj e 26 ditë
Legjenda e portës uruguaiane është rikthyer në kombëtare pas një mungese të gjatë. Edhe pse nuk pritet të jetë titullar, eksperienca e tij mbetet e paçmueshme.
7. Josimar José Évora Dias i njohur si Vozinha (Kepi i Gjelbër) - 40 vjeç e 8 ditë
Portieri veteran ka kaluar kufirin e 40 viteve dhe vazhdon të jetë një nga figurat kryesore të kombëtares së tij.
6. Manuel Neuer (Gjermani) - 40 vjeç, 2 muaj e 15 ditë
Pas pensionimit nga kombëtarja, Neuer u rikthye për shkak të mungesave në repartin e portierëve të Gjermanisë. Mbetet për t’u parë se çfarë roli do të ketë në turne.
5. Edin Dzeko (Bosnje dhe Hercegovinë) - 40 vjeç, 2 muaj e 25 ditë
Sulmuesi legjendar vazhdon të jetë vendimtar për Bosnjën dhe ishte një nga protagonistët kryesorë në kualifikimin e ekipit për Botërorin 2026.
4. Luka Modric (Kroaci) - 40 vjeç, 9 muaj e 2 ditë
Kapiteni kroat vazhdon të jetë zemra e ekipit kombëtar. Kupa e Botës 2026 mund të jetë turneu i fundit i karrierës së tij madhështore.
3. Guillermo Ochoa (Meksikë) - 40 vjeç, 10 muaj e 29 ditë
Heroi i shumë Botërorëve për Meksikën vazhdon të jetë pjesë e kombëtares, edhe pse nuk konsiderohet më zgjedhja e parë në portë.
2. Cristiano Ronaldo (Portugali) - 41 vjeç, 4 muaj e 6 ditë
Një rekord më vete. Ronaldo do të marrë pjesë në Kupën e tij të gjashtë të Botës, duke vendosur një tjetër standard historik. Portugezi synon trofeun e vetëm madhor që ende mungon në koleksionin e tij.
1. Craig Gordon (Skoci) - 43 vjeç, 5 muaj e 11 ditë
Portieri skocez është futbollisti më i moshuar që do të marrë pjesë në Kupën e Botës 2026. Edhe pse kryeson këtë listë, ai mbetet larg rekordit absolut të Essam El-Hadaryt, i cili luajti në Botërorin 2018 në moshën 45-vjeçare.
Vlen të theksohet se Lionel Messi, pavarësisht se do të jetë 38 vjeç gjatë turneut, nuk arrin të futet në 'Top 10', duke u renditur në vendin e 11-të në listën e lojtarëve më të moshuar të Kupës së Botës 2026.
