TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Data e rikthimit zyrtar të Barcelonës në Spotify Camp Nou është tashmë dihet.
Shorti për kalendarin e ndeshjeve të La Liga-s për sezonin 2025/26 që u zhvillua këtë të martë, filloi me një kusht: faktin që Barcelona do të duhet të luajë tre raundet e para të garës si mysafire.
Kërkesa u bë nga katalanasit në La Liga, për shkak të punimeve që janë ende duke u kryer në stadiumin e Blaugranëve.
Barcelona fillimisht kishte kërkuar të luante katër ndeshjet e para jashtë fushe, por La Liga pranoi të luante vetëm tre raundet e para të kampionatit.
Prandaj, kthimi zyrtar i Barcelonës në stadiumin e saj të ri do të zhvillohet në javën e 4-të të La Liga 2025/26, e cila do të luhet në fundjavën e 13 dhe 14 shtatorit.
Përpara kësaj, më 10 gusht, Barcelona do të mbajë 'provën' e saj të parë në Spotify Camp Nou, me Trofeun ‘Joan Gamper’.
Mbrojtja e titullit fillon kundër Mallorcas…
Ekipi i udhëhequr nga Hansi Flick do ta fillojë mbrojtjen e titullit spanjoll më 17 gusht, kundër Mallorcas, sipas shortit të hedhur këtë të martë. Real Madridi do ta nisë kampionatin kundër Osasunas në të njëjtën ditë.
Atlético Madrid do të vizitojë Espanyolin, ndërsa Athletic Bilbao do ta fillojë garën në San Mamés, kundër Sevillas.
'El Clásico' në raundin e 10-të…
Shorti i së martës caktoi gjithashtu që 'El Clásico' e parë e La Liga 2025/25 do të zhvillohet në javën e 10-të, më 26 tetor. Në atë kohë, Santiago Bernabéu do të presë ndeshjen Real Madrid-Barcelona.
Në këtë kuptim, katalanasit dhe madrilenët do të takohen përsëri në kampionat në raundin e 35-të, më 10 maj 2026, në Spotify Camp Nou.
