TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Rei Manaj kthehet përsëri te Barcelona. Lajmi vjen nga mediat italiane të cilat kanë mësuar se sulmuesi i përfaqësueses shqiptare nuk do të vazhdojë të jetë më pjesë e Specias, ndonëse ishte një nga elementët që siguruan mbijetesën e kësaj skuadre në Serinë A.
Manaj ishte dhënë në huazim nga Barcelona për këtë sezon me të drejtën e blerjes së kartonit të tij për 2,7 milionë euro në fund të këtij sezoni. Por klubi italian ka vendosur që të mos ushtrojë të drejtën e blerjes së Manajt, duke lejuar kështu kthimin e tij në radhët e klubit katalanas.
“Specia nuk do të aktivizojë opsionin për të blerë Rei Manajn, i cili do të kthehet te Barcelona”, shkruante në rrjetet sociale eksperti i merkatos, Nikolo Shira, lajm i cili më pas është konfirmuar nga mediat italiane.
Kështu, Manaj do të nisë sezonin e ri në radhët e katalanasve, nën urdhrat e Çavit, para se të vendoset se çfarë do të bëhet me lojtarin i cili me shumë mundësi do të huazohet përsëri në një klub tjetër, me prioritet Italinë pasi ai mendon se mund të luajë rregullisht në Serinë A.
