TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
U luajtën mbrëmjen e sotme, duke nisur nga ora 21:00, katër duelet e kthimit të vlefshëm për raundin e 1/16-ave të Ligës së Europës, ku nuk munguan surprizat.
Padyshim që e gjithë vëmendja ishte te supersfida mes Junajtid dhe Barcelonës, që përfundoi me triumfin 2-1 të “Djajve të Kuq”, falë përmbysjes në pjesën e dytë. Skuadra e Ten Hag, arriti kështu të siguronte një biletë për më tej.
Ndërkohë paraqitje dinjitoze edhe për Romën e Murinjos, që mposhti me rezultatin 2-0, Salcburgun. Italianët nxorrën të pavlefshme kështu humbjen në ndeshjen e parë, duke vijuar më tej aventurën.
Festë edhe në Gjermani, ku skuadra e Union Berlinit, i dha një leksion të vërtetë Ajaksit, duke e mposhtur me rezultatin 3-1 dhe duke e eliminuar me meritë.
Për sa i përket duelit tjetër mes Ren dhe Shakhtar Donjetsk, ky takim shkoi në shtesa, pasi të dy duelet prodhuan rezultatin 1-0 dhe për të zbuluar skuadrën e kualifikuar do të duhet të presim akoma.
