TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Në luftën e fjalëve dhe kërcënimeve ligjore midis Kylian Mbappé dhe presidentit të Paris Saint-Germain, Nasser Al-Khelaifi, shfaqet dikush papritur. Ai është një reper dhe diskograf francez shumë i njohur me origjinë senegaleze, njihet me emrin Booba, që është emri i tij artistik, ndërsa emri i vërtetë është Élie Yaffa.
Çfarë bëri ai? Ai bëri një paralajmërim shumë të qartë në rrjetet sociale drejtuar futbollistit të Real Madridit i cili u largua keq, shumë keq nga klubi parisien: “Do të tregoj çfarë po bëje në Palm Beach, si dhe me kë e ke marrë virusin”. Një frazë që nuk është aspak e rastësishme dhe që i referohet gjendjes shëndetësore dhe humbjes drastike në peshë të lojtarit, i cili deri më tani ka qenë jashtë skuadrës së Blancos në Kupën e Botës për Klube pasi u shtrua në spital për gastroenterit akut.
Shpërthimi i Booba (dhe nuk është i vetmi kundër Kylian) është një tjetër kulm tensioni klub-lojtar, një telenovelë me shumë përplasje. E fundit në rend kronologjik është ankesa për ngacmim moral me të cilën Mbappé e ka futur përsëri PSG-në në lojë, tashmë të paditur për kompensim milionësh që nuk është marrë sipas kontratës.
Tani artisti që jeton në Miami e ka “këshilluar fuqimisht” sulmuesin të heqë dorë, të ulë stekën e tij dhe të lërë mënjanë kokëfortësinë e tij ndaj drejtuesit të lartë. Përndryshe, nënkupton ai, do të humbasë durimin dhe do të tregojë gjithçka.
