TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Liverpuli do të afrojë në radhët e skuadrës në vitin e ardhshëm Giorgi Mamardashvilin, ndaj duhet të fillojë që tani të mendojë për emrat që do i bëjnë vend në grupin në drejtimin e Arne Slot. Kjo është arsyeja pse klubi vendosi të mos rinovonte kontratën e portierit brazilian Marcelo Pitalunga dhe ta lejojë të largohet si lojtar i lirë.
Ky i fundit, ishte afruar në vitin 2020 si pasardhësi i Alison Beker, por nuk gjeti kurrë hapësirat për të provuar veten e tij nën drejtimin e Klop e së fundmi Slot. I blerë për 2 milionë paund nga Fluminense asokohe, Pitalunga nuk ia doli të zbriste asnjëherë në fushë me fanellën e Liverpulit, që e huazoi deri në skuadrat e kategorisë së tetë angleze, ku ai nuk arriti gjithsesi të afirmohej.
Si rrjedhojë, me hapjen e merkatos së janarit, Pitalunga i ka dhënë lamtumirën skuadrës në fjalë dhe është kthyer në vendlindje, duke firmosur përsëri për Fluminensen, me shpresën që do të ringjallë atje karrierën.
