TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Herolind Shala nuk do të jetë më pjesë e Partizanit.
Klubi kryeqytetas njoftoi këtë të premte, se është vendosur mes palëve për ndërprerjen e kontratës, e cila ishte e vlefshme deri në qershor të vitit 2026.
“Partizani zyrtarizon përfundimin e bashkëpunimit me Herolind Shalën. Mesfushori dhe klubi kanë vendosur të ndërpresin me konsensus kontratën mes tyre.
Partizani dëshiron të falenderojë Herolind Shalës që ishte pjesë e familjes së kuqe duke i uruar njëkohësisht suksese në karrierë”, shkruan klubi.
Ish-mesfushori i Kombëtares u bashkua me Partizanin më 16 prill, por nuk ka arritur të bindë me formën e tij.
Në karrierën e tij të pasur, Shala ka luajtur në kampionate të ndryshme, si ai norvegjez, danez, çek dhe turk.
