TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Zvicra nuk arriti t’i bënte dot ballë brazilianëve dhe regjistroi të parën humbje të saj në Kupën e Botës, por me tri pikët e ndeshjes debutuese ndaj Kamerunit, shpresat e zviceranëve për kualifikimin vazhdojnë të jenë ekzistente.
Tashmë e gjitha mbtetet të vendoset përballë Serbisë në sfidën e fundit të grupit, një sfidë që siç ka treguar historia pritet të jetë speciale për shqiptarët e Zvicrës.
Këtë herë ndaj Brazilit ka zbritur në fushë vetëm Granit Xhaka që ka udhëhequr skuadrën si kapiten i saj, ndërkohë që Shaqiri për shkak të një dëmtimi në kofshë është detyruar ta shikojë ndeshjen nga stoli.
Me personalitet, por pa mundur të bëjë diçka më shumë, mesfushori i Arsenalit pranoi superioritetin e Brazilit.
“Përballë kishim një kundërshtar me cilësi të larta që i njohim të gjithë. Ne luftuam shumë, shpirti i skuadrës ishte i pranishëm dhe e treguam, ndaj jemi disi të zhgënjyer.
Nuk u lejuam shumë mundësi dhe nëse do të kishim marrë një barazim, nuk do të kishim vjedhur asgjë, do e meritonim”, u shpreh Xhaka në përfundim të sfidës.