TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Skuadra e Iranit këndoi himnin kombëtar të vendit të tyre, përpara fillimit të ndeshjes në Kupën e Botës kundër Uellsit, e luajtur sot në Katar, pasi refuzoi ta bënte këtë në ndeshjen e tyre të parë ndaj Anglisë.
Lojtarët e Iranit u duk se u tërhoqën nga protesta e tyre, pas presionit të fortë dhe kërcënimi me pasoja të rënda nga regjimi islamik i Ajatollahëve.
Ekipi kombëtar i Iranit këndoi, ndërsa në tribuna iranianë qanin në stadiumin "Ahmad Bin Ali".
Para fillimit të tyre kundër "Tre luanëve" në ndeshjen e tyre të parë në grup të hënën, lojtarët qëndruan të heshtur, ndërsa thirrjet e tifozëve i mbështetën.
Refuzimi i tyre i mëparshëm për të kënduar himnin ishte një shfaqje solidariteti me protestuesit në vendin e tyre, qindra prej të cilëve janë vrarë në përleshjet me shërbimet e sigurisë qeveritare për vdekjen e Mahsa Amini - një grua që vdiq në paraburgim pasi u arrestua nga policia morale e Teheranit.