TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ekipi i futbollit i Iranit në Kupën e Botës nuk pranoi të këndonte himnin e tyre kombëtar përpara ndeshjes hapëse kundër Anglisë të hënën, pasi shumë tifozë në shtëpi akuzuan skuadrën se i janë bashkuar një goditjeje të dhunshme shtetërore ndaj trazirave të vazhdueshme popullore.
Protest by Iranian fans - booing their own national anthem ahead of match against England. #Qatar2022 #iran pic.twitter.com/3YN5V2y7BO
— Jonathan Swain (@SwainITV) November 21, 2022
Por përpara sfidës, disa tifozë iranianë janë bërë protagonistë në stadiumin “Khalifa International” në Doha, përpara fillimit të ndeshjes në Kupën e Botës kundër Anglisë, shumë prej tyre mbanin mbështetjen e tyre për protestat njëmujore kundër qeverisë në veshjet e tyre ose të pikturuara në fytyrat e tyre.
Në stadiumin “Khalifa International” , tifozët kanë nxjerrë pankarta me mesazh shumë domethënës.
“Grua, jetë dhe liri”.
Të tjerët mbanin bluza që mbanin emrat e protestuesve femra të vrarë nga forcat iraniane të sigurisë javët e fundit.
Fotoja është publikuar në faqen zyrtare të B/R Football në Twitter.
Iran fans with a message before their World Cup opener: pic.twitter.com/icJ8E250wN
— B/R Football (@brfootball) November 21, 2022
Demonstratat kundër regjimit filluan në shtator, kur 22-vjeçarja Mahsa Amini vdiq në paraburgimin e policisë në Teheran në shtator, pasi dyshohet se kishte shkelur kodet e veshjes. Familja e saj tha se policia e rrahu për vdekje.
Irani është në grupin B së bashku me Anglinë, Shtetet e Bashkuara të Amerikës dhe Uellsin.
