TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Shqipëria për herë të dytë ripërsëriti historinë duke u kualifikuar për “Euro 2024”. Ky sukses zgjoi peshë një komb të tërë, të cilët mbushën rrugët për të festuar arritjen e kuqezinjve në këtë rrugëtim emocionues.
Përballja me Moldavinë mbrëmjen e djeshme dhe marrja e një pike në transfertë, i siguroi matematikisht Shqipërisë një biletë për në Gjermani.
Pas ndeshjes, pjesa tjetër që ra në sy ishte vlerësimi i lojtarëve.
Sipas faqes së specializuar “Sofascore”, njeriu i ndeshjes ishte gardianin i kuqezinjve, portieri Etrit Berisha, i cili u vlerësuar me notën 7.8, ndërsa pas tij u rendit Taulant Seferi, i vlerësuar me notën 7.4.
Shqipëria ndeshjen e fundit do ta zhvillojë të hënë në “Air Albania” kundër Ishujve Faroe, sfidë kjo, e cila më tepër do jetë një festë se sa një fokusim thjesht tek rezultati.
