TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pavarësisht se ende nuk është larguar nga Milani, Stefano Pioli është bërë kandidati kryesor për të marrë drejtimin e Napolit. Mediat italiane shkruajnë se ka një marrëveshje në parim mes tij dhe Aurelio De Laurentis.
Sipas të gjitha gjasave, italiani do të largohet nga Milani në fund të sezonit duke i dhënë fund një periudhe pesëvjeçare në kryeqytetin e Lombardisë që pati shumë ulje dhe ngritje. Prej kohësh kuqezinjtë janë në kërkim të zëvendësuesit të Piolit por ende nuk kanë arritur marrëveshje me ndonjë trajner.
58-vjeçari ka qenë në kontakt të ngushtë me presidentin, De Laurentiis, në javët e fundit dhe është bërë kandidati kryesor për të marrë drejtimin e napolitanëve në verë, pasi të zyrtarizohet largimi i tij nga Milani. Deri më tani raportohet se palët kanë rënë dakord në parim për një kontratë 3-vjeçare.
