TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ish-portieri i Tiranës, Visar Bekaj, është shprehur shumë i lumtur që ka debutuar në eliminatoret e EURO 2024, teksa përfaqësuesja e tij, arriti të largohej me një pikë nga transferta e Zvicrës.
Në prononcimin e dhënë për mikrofonin e “Supersport” pas ndeshjes, Bekaj ndër të tjera theksoi se sipas tij, Kosova ka lojtarët më të mirë në Ballkan.
Debutimi me Kosovën: “Jam ndjerë shumë mirë që luajta me Kosovën. Kur kam hyrë në fushë isha duke qeshur sepse nuk mu besonte isha shumë i lumtur.”
Barazimi ndaj Zvicrës: “Kemi hyrë në fushë që të mos pësonim gol, që të shënonim në minutat e fundit, por fatkeqësisht edhe pësuam. Megjithatë e dinim që kishim një kundërshtar të vështirë, por kemi dhe një ndeshje le të marrim tre pikët aty.”
Lojtarë cilësorë: “Lojtarët kosovarë kanë shumë cilësi, por problem është infrastruktura.
Kosova ka futbollistët më të mirë në Ballkan dhe nëse do rregullohet edhe infrastruktura do jenë shumë më mirë.”
