SPORT, 29 Nëntor 2022, 11:48

BOTËRORI “KATAR 2022″/ Cila nga kombëtaret kualifikohet dhe kush rrezikon?

BOTËRORI “KATAR 2022″/ Cila nga kombëtaret kualifikohet

Franca, Brazili, Portugalia janë në fazën tjetër – Spanja, Holanda, Anglia me një “këmbë” në fazën e nokaut! Pikëpyetje për Gjermaninë, Danimarkën, Kroacinë, “lufta” për Argjentinën, Belgjikën.

Pas 32 ndeshjeve të para, vetëm tre skuadra, Franca , Brazili dhe Portugalia , kanë siguruar tashmë kualifikimin në fazën tjetër duke shënuar të njëjtin numër fitoresh në dy ndeshjet e para dhe tashmë kanë synim vetëm për vendin e parë në grupet e tyre.

Ndërkohë Holanda, Anglia dhe Spanja janë afër kualifikimit, ndërsa Gjermania shpreson se do të shkojë në fazën e 16-të, pavarësisht tronditjes fillestare me humbjen ndaj Japonisë.

Përkundrazi, nga skuadrat që pritej shumë në këtë Botëror, Argjentina, Belgjika dhe Uruguai janë në pozitën më të vështirë dhe duhet të punojnë shumë në ndeshjen e fundit për t’u kualifikuar.

Përveç Katarit , i cili është i vetmi ekip që është eliminuar matematikisht pas dy humbjeve dhe do të garojë në ndeshjen e fundit vetëm për prestigjin e tij, të gjitha skuadrat e tjera kanë nevojë për rezultatin e ndeshjes së tretë, që është shansi i tyre i fundit për të vazhduar garën.

Në thelb, 28 skuadrat e mbetura do të luftojnë fort për të mbijetuar. Disa kanë një avantazh të fortë për kualifikimin dhe të tjerët dukshëm shumë më pak shanse.

Kjo do të thotë se të 16 ndeshjet, që do të zhvillohen nga sot deri të premten, (dy në secilin nga 8 grupet) do të priten me interes të madh dhe shumica prej tyre do të jetë si një finale për pjesën më të madhe të skuadrave.

Të dhënat për ndeshjet finale në grupe

Franca luan kundër Tunizisë, e cila deri më tani nuk ka shënuar as një gol dhe është në vendin e fundit në grup.

Edhe nëse humbasin, vështirë se do të bien nga vendi i parë, pasi mund t’i arrijë vetëm Australia, të cilën e ka mundur 4-1.

Brazili do të përballet me Kamerunin, një skuadër e fortë, e cila do të luajë kartën e fundit për t’u kualifikuar.

Portugalia përballet me Korenë e Jugut , e cila gjithashtu nuk ka asgjë për të humbur tani, duke përfunduar e fundit në grup dhe do të kërkojë me çdo kusht fitoren.

Nëse Brazili dhe Portugalia dalin në krye, do të shmangin një përplasje me njëri-tjetrin në fazën tjetër të “16”, pasi grupet e tyre kryqëzohen dhe të parët përballen me të dytin.

Pra janë të motivuar për të fituar dhe nuk ka vend për “relaksim”.

Në fakt, në raundin tjetër do të jetë edhe Holanda, pasi asaj i mjafton një barazim ndaj Katarit të dobët në ndeshjen e pasdites. Madje ka mundësi që edhe nëse humbet të kualifikohet. Dhe vetëm mendimi se Holanda mund të humbasë ndaj Katarit sfidon kufijtë e imagjinatës, natyrisht. Senegali dhe Ekuadori janë në garë për biletën e dytë me amerikanët e Jugut që u mjafton privilegji i barazimit.

Me një këmbë në raundin tjetër është Anglia , për sa kohë që sonte nuk “dërrmohet” nga Uellsi dhe në të njëjtën kohë duhet të ketë një fitues në ndeshjen Iran-SHBA.

Në këtë grup, megjithatë, ndeshja mes SHBA dhe Iranit pritet të jetë e bujshme, ndoshta e ngarkuar politikisht për shkak të marrëdhënieve mes dy vendeve. Edhe Irani kualifikohet me barazim, përderisa Anglia nuk humbet me Uellsin. Skuadra e përfaqësues së SHBA, do të luajë gjithçka për gjithçka, pasi me fitore kalojnë në fazën tjetër.

Spanja, e cila tashmë mund të ishte kualifikuar nëse do të kishte mbajtur epërsinë në ndeshjen kundër Gjermanisë, është pak hapa larg fazës tjetër.

Matematikisht, i mjafton një barazim ndaj Japonisë të enjten, por edhe humbje, nëse Kosta Rika nuk mund Gjermaninë.

Disfata pritet të ndodhë të mërkurën në grupin e Argjentinës  Skuadrës së Messit i duhet një fitore ndaj Polonisë për të qenë të sigurt, por skuadra e Leëandoëskit gjithashtu do të ndihet e sigurt vetëm nëse marrin të paktën një barazim.

Ndërkohë Arabia Saudite, përballë Meksikës, po ashtu me një fitore hyn në lojën kualifikuese.

Gjermania vetëm me një fitore ndaj Kosta Rikës (dhe nëse Spanja siç pritet mund Japoninë) do të kualifikohet.

Një betejë e madhe do të zhvillohet nesër mes Danimarkës dhe Australisë, pasi të parët mund të shpresojnë vetëm për fitore, ndërsa australianët luajnë edhe për një barazim, i cili u jep atyre një biletë për në fazën tjetër.

Është Belgjika rrezikon të humbasë në fazën tjetër, e cila mund të jetë surpriza më e madhe në raundin e parë të kompeticionit, ndërsa pyetja e madhe është se çfarë do të ndodhë me Argjentinën.

Ndërkohë Maroku, që është barazim me Kroacinë, kërcënon të eliminojë një nga dy skuadrat më të talentuara të Evropës, por edhe të fitojë vendin e parë, duke shmangur Spanjën në raundin tjetër (ndoshta).

Zvicra dhe Serbia do të pretendojnë vendin e dytë në grupin e Brazilit në ndeshjen mes tyre të premten.

Së fundi, në grupin e tetë, Gana dhe Uruguai do të pretendojnë vendin e dytë, pas Portugalisë, në ndeshjen mes tyre të premten.

Gjithsej 81 gola janë shënuar në 32 ndeshje. Deri më tani nuk kanë shënuar gola vetëm Meksika, Tunizia dhe Uruguai, ndërsa sulmin më të mirë e ka Spanja (8), me Anglinë, Francën me 6, ndërsa Gana dhe Portugalia kanë shënuar nga 5, Irani dhe Kroacia me nga 4 gola. Brazili, Polonia, Maroku kanë mbrojtjen më të mirë. Holanda, Ekuadori, Spanja, Zvicra, SHBA, Tunizia, Kroacia kanë pësuar vetëm një gol.

Pikët më të dobta për mbrojtjen i kanë Kosta Rika, e cila ka pësuar 7 gola deri më tani, Irani me 6, Katari, Kanadaja, Gana dhe Serbia me 5, Australia dhe Kameruni me 4.