TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Arsenal përballet me Bajernin e Mynihut në “Emirates Stadium”, ndeshje e vlefshme për raundin çerekfinal të Ligës së Kampionëve.Anglezët do përpiqen të vendoin “nderin në vend” ndaj Gjermanëve pas turpërimeve që klubi nga Mynihu i ka shkaktuar “topçinjve” në etapat pararendëse.
Forma e mirë e Haverc me shokë jep sinjale pozitive, ndërsa oshilacionet e bavarezëve i shtojnë akoma më tepër dozat e optimizmit te mbështetësit anglezë. Megjithatë bilanci mes tyre flet “gjermanisht”. Përballje vërtetë interesante do të jetë mes Herri Kejn dhe prapavijës së skuadrës ishullore.
ARSENAL 4-3-3: Raja; Uait, Saliba, Gabriel, Kiuior; Zhorzhinjo, Rais, Odegard; Saka, Harverc, Martineli | Trajner: Milek Arteta
BAJERN MYNIH 4-2-3-1: Nojer; Dejvis, Daier, De Ligt, Kimish; Gorecka, Lajmer; Gnabri, Musiala, Sane; Kejn | Trajner: Tomas Tuhel
