TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Miku i Liam Payne, Roger Nores, i cili u akuzua për braktisjen e yllit të One Direction para vdekjes së tij, foli për ditën kur këngëtari vdiq. Miku biznesmen i këngëtarit të ndjerë, i cili është akuzuar në këtë rast, u shfaq në një dokumentar të TMZ, "TMZ Investigates: Liam Payne: Who's to blame?" dhe këmbënguli se nuk kishte asnjë lidhje me vdekjen e Payne.
Ai pretendoi se Liam ishte "në gjendje shpirtërore të mirë" në ditën e vdekjes së tij dhe ishte "i ekuilibruar në mënyrë të përkryer". Nores, i cili krijoi një miqësi me yllin e One Direction në vitin 2020 pasi u takuan në një ngjarje të organizuar nga Vogue në Londër, tha: "Unë jam një mik shumë i mirë i Liamit dhe isha me të ditën që ai ndërroi jetë. Ai (Liam) ishte në humor të mirë. Ai po fliste me 10 ose 15 amerikanë që ishin këtu për një martesë. Dhe kështu ai po fliste me ta dhe po bënte shaka," kujton Nores.
Shoku i Liamit, i cili është akuzuar për vrasje nga pakujdesia, pohoi gjithashtu se nuk kishte "asgjë të pazakontë" në sjelljen e Liam atë ditë, pasi ai e vizitoi atë tre herë. "Unë u largova rreth orës 4:05 ose më vonë, dhe ai ishte në humor të mirë."
Miku gjithashtu iu kundërpërgjigj pretendimeve se ai e kishte braktisur këngëtarin e ndjerë, duke thënë se ai nuk e braktisi kurrë Liam-in, i cili vdiq më 16 tetor, pasi u rrëzua nga ballkoni i hotelit Casa Sur në Buenos Aires, Argjentinë. "Unë shkova në hotelin e tij tri herë atë ditë dhe u largova 40 minuta para se të ndodhte kjo," tha Nores, duke shtuar, "Ishin mbi 15 njerëz në hollin e hotelit që bisedonin dhe bënin shaka me të kur u largova.". Para se të përfundonte, ai tregoi se kurrë nuk mund ta imagjinonte se do të ndodhte diçka e tillë.
