TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Edhe pse në ekran Sam Worthington dhe Zoe Saldaña luajnë çiftin në universin kinematografik të Avatar, në jetën reale lidhja e tyre është më shumë si ajo midis vëllezërve e motrave.
Miqësia e tyre numëron rreth dy dekada, që prej fillimit të bashkëpunimit për këtë franchise të njohur të James Cameron, me aktorin 49-vjeçar që ka pranuar se lidhja e tyre e fortë e bën të ndihet disi e çuditshme kur xhirojnë skena romantike së bashku.
“Është si motra ime. Është shumë e çuditshme të luajmë skena dashurie bashkë,” tha ai në një intervistë për revistën PEOPLE gjatë Festivalit të 50-të të Filmit në Toronto.
Sam Worthington nuk i fshehu as krenarinë për çmimin Oscar që fitoi shoqja dhe kolegia e tij në kategorinë Aktore në Rolet Mbështetëse më Mars, për performancën e saj në filmin Emilia Pérez.
“Isha jashtëzakonisht krenar,” tha aktori australian. Madje kujtoi se para ceremonisë i kishte dërguar një mesazh Zoe Saldañas: “Po, kjo është! Të shkojmë!” shkroi ai.
Ai theksoi gjithashtu se Saldaña kishte punuar jashtëzakonisht shumë për këtë sukses.
“Ka punuar shumë, si në set ashtu edhe jashtë tij. Mendoj se e meriton çdo gjë. E dua shumë,” shtoi aktori.
Sam Worthington dhe Zoe Saldaña janë shokë prej rreth 20 vitesh, që nga momenti kur u takuan rastësisht në një bar hoteli në 2006, para se të nisnin provat për Avatar.
Siç kishte treguar aktori në një intervistë të mëparshme: “I kërkova James Cameron të takoja aktoren që donte për rolin e Neytiri, sepse do më ndihmonte të merrja vetë rolin. Takova Zoe, ajo dukej se u mahnit nga unë, por më pas zbulova që nuk po kuptonte asgjë nga ajo që po thosha për shkak të theksit tim.”
