TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Turqia tha të shtunën se kishte anuluar vizitën e ministrit suedez të mbrojtjes për shkak të një proteste të planifikuar kundër Turqisë në Stokholm.
“Në këtë pikë, vizita e ministrit suedez të Mbrojtjes Pal Jonson në Turqi më 27 janar ka humbur rëndësinë dhe kuptimin e saj, kështu që ne e anuluam ate”, deklaroi ministri turk i Mbrojtjes Hulusi Akar.
Vizita e ministrit suedez kishte për qëllim tejkalimin e kundërshtimeve të Ankarasë ndaj ofertës së Suedisë për t’u bashkuar me aleancën ushtarake të NATO-s.
Turqia është shprehur e zemëruar nga leja e marrë nga një ekstremist i krahut të djathtë për të demonstruar më vonë të shtunën përpara ambasadës turke në kryeqytetin suedez.
Turqia kishte thirrur të premten ambasadorin e Suedisë për të “dënuar këtë veprim provokues që është qartësisht një krim urrejtjeje — në termat më të fortë,” tha një burim diplomatik.
