TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Polonia nënshkroi sot marrëveshjen për përfitimin e një kredie shumë miliardë euro nga Bashkimi Evropian për mbrojtjen, pas një debati të gjatë politik në vend.
Ministri i Mbrojtjes, Władysław Kosiniak-Kamysz, dhe ministri i Financave, Andrzej Domański, firmosën dokumentin që parashikon disbursimin e afro 44 miliardë eurove për modernizimin e ushtrisë polake.
Kryeministri Donald Tusk e quajti marrëveshjen një pikë kthese në historinë e Polonisë dhe të Bashkimit Evropian, duke deklaruar se ajo do ta bëjë vendin më të sigurt në një periudhë të vështirë dhe të rrezikshme.
Komisioneri evropian për Mbrojtjen, Andrius Kubilius, tha se Polonia po merr një rol udhëheqës në mbrojtjen e kufirit lindor të Evropës dhe në forcimin e sigurisë së kontinentit.
Në kuadër të programit SAFE (Security Action for Europe), Bashkimi Evropian ka vënë në dispozicion 150 miliardë euro kredi me interesa të ulëta për të rritur kapacitetet mbrojtëse të vendeve anëtare.
Polonia është përfituesja më e madhe e këtij programi.
Megjithatë, marrëveshja u shoqërua me polemika të forta politike.
Presidenti euroskeptik Karol Nawrocki kishte vënë veto ndaj ligjit që autorizonte përdorimin e fondeve, por qeveria arriti ta anashkalojë pengesën përmes një rezolute që lejoi ministrat të nënshkruanin kontratat për programin SAFE.
