TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Rusia ka reaguar pas vendimit të vendeve Perëndimore për të dërguar tanke në Ukrainë, duke thënë se “Evropa duhet të zgjohet”, pasi sipas saj SHBA po përfiton nga lufta.
“Europa duhet urgjentisht të zgjohet nga gjumi, të kujtohet se Shtetet e Bashkuara kanë përfituar nga dy luftërat botërore të nisura nga vendet perëndimore dhe të mos hyjnë në të njëjtin kurth”, tha të mërkurën zëdhënësja e Ministrisë së Jashtme ruse Maria Zakharova.
Presidenti i Ukrainës Volodymyr Zelensky, të martën u bëri thirrje përsëri aleatëve perëndimorë që të jepnin tanket e tyre më moderne, duke thënë se “nevoja për to është shumë e madhe”.
Gjermania dhe Shtetet e Bashkuara deri tani janë përmbajtur në ofrimin e armatimeve të rënda, dhe janë treguar të kujdesshme ndaj mbështetjes, duke e parë si diçka që mund t’i japë Kremlinit arsye për të zgjeruar konfliktin.
Rusia ka paralajmëruar se furnizimet me armë moderne sulmuese në Ukrainë do të përshkallëzojnë luftën, me disa zyrtarë rusë që thonë se aleatët perëndimorë të Ukrainës po e çojnë botën në një “katastrofë globale”.
