TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ish-kancelari i Gjermanisë, Gerhard Schröder, ndodhet në Moskë, sipas një raportimi të medias gjermane n-tv.
82-vjeçari, i cili ka qenë pjesë e Partisë Socialdemokrate (SPD), konsiderohet si një mik i afërt i presidentit rus Vladimir Putin. Në të kaluarën ai ka mbajtur poste edhe në kompani ruse të energjisë, përfshirë Gazprom.
Sipas raportimit, nuk dihet ende arsyeja e saktë e udhëtimit të tij në Rusi. Megjithatë, nuk përjashtohet mundësia që vizita të lidhet me Forumin Ekonomik Ndërkombëtar të Shën Petersburgut, i cili nis më 3 qershor.
Më herët, qeveria gjermane ka mohuar raportimet se Putin i kishte propozuar Schröder-it një rol ndërmjetësues për përfundimin e luftës në Ukrainë.
Ndërkohë, në Gjermani kanë shkaktuar debat raportimet për pjesëmarrjen e disa përfaqësuesve politikë në forum, ndërsa zyrtarë të sigurisë kanë deklaruar se udhëtimet në Rusi mund të sjellin mbikëqyrje nga shërbimet e inteligjencës.
