TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
"Çmimi Nobel për Paqen mbetet i lidhur pazgjidhshmërisht me personin ose organizatën e caktuar si fitues, njoftoi Komiteti Norvegjez i Nobelit, një ditë pasi fituesja e vitit të kaluar Maria Corina Machado ia dha një pjesë të çmimit të saj Donald Trump.
Fituesja e Çmimit Nobel për Paqen për vitin 2025, udhëheqësja e opozitës venezueliane Maria Corina Machado, dje, të enjten, ia dorëzoi Medaljen Nobel për Paqen Trumpit, i cili e falënderoi atë.
Shtëpia e Bardhë postoi një foto të Trump me Machado-n, ku shihej presidenti amerikan duke mbajtur lart një kornizë të madhe ari që përmbante medaljen, dhe një zyrtar i Shtëpisë së Bardhë konfirmoi se presidenti ka ndërmend ta mbajë atë.
Përveç medaljes së artë, çmimi i Machados përfshinte edhe një diplomë dhe 11 milionë krona suedeze (1.19 milionë dollarë).
“Pavarësisht fatit të medaljes, diplomës apo çmimit financiar, fituesi origjinal është dhe mbetet ai që regjistrohet në histori si marrësi i çmimit”, tha organi i çmimeve në një deklaratë.
