TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Luftimet vazhdojnë ende në Soledar, një qytet minierash kripe në Ukrainën lindore, pavarësisht pretendimeve ruse se ka marrë kontrollin e rajonit.
Nëse trupat ruse me të vërtetë kapin qytetin, kjo do të shënonte fitimin e parë të Moskës në Donbas për muaj të tërë duke i ofruar presidentit Vladimir Putin disa lajme të mira pas një vargu humbjesh në fushën e betejës që nga vera e kaluar.
Rëndësia e Soledar në aspektin ushtarak është minimale. Megjithatë, kapja e tij do të lejonte forcat ruse, dhe veçanërisht grupin mercenar Wagner , të kthenin fokusin e tyre në Bakhmut aty pranë, i cili ka qenë një objektiv që nga vera.
Marrja e Soledar do të përfaqësonte gjithashtu një fitore simbolike për njeriun që drejton Wagner oligarkun Yevgeny Prigozhin, i cili ka kritikuar shpesh menaxhimin e Ministrisë së Mbrojtjes Ruse të “Operacionit Special Ushtarak” në Ukrainë.
