TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një granatë e pashpërthyer është hequr nga gjoksi i një ushtari ukrainas.
Fotot para dhe pas, tregojnë granatën afër zemrës së ushtarakut dhe një tjetër të kirurgut që mban lëndën shpërthyese.
Në postimin në mediat sociale nga spitali, u tha se operacioni u krye pa përdorimin e elektrokoagulimit – një metodë e zakonshme ku përdoret një rrymë elektrike për të ndihmuar në kontrollimin e gjakderdhjes gjatë operacionit – sepse “municioni mund të shpërthente në çdo kohë”.
Gjithashtu u tha se pajisja ishte një granatë VOG, 4 cm e gjatë, e cila gjuhet nga një granatëhedhëse dhe mund të udhëtojë rreth 400 metra, dhe është projektuar të shpërthejë pak para se të bjerë në tokë.
Operacioni u krye nga gjeneralmajor Andrii Verba, i përshkruar si “një nga kirurgët më me përvojë” të forcave të armatosura të Ukrainës.
Nuk dihet se kur është kryer operacioni dhe ku është plagosur ushtari.
