TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një sulm me dron ka goditur një bazë të koalicionit të udhëhequr nga SHBA në Sirinë jugore, raportuar nga Komanda Qendrore e Ushtrisë Amerikane.
“Garnizonin al-Tanf në Siri u sulmua nga tre dronë. Sulmet e këtij lloji janë të papranueshme”, thuhet në një deklaratë të amerikanëve.
Dy nga dronët u qëlluan dhe u rrëzua, por i treti goditi kompleksin, duke plagosur dy luftëtarë aleatë të opozitës siriane, të cilët morën trajtim.
Forcat e mbështetura nga Irani janë vendosur në afërsi të al-Tanf, një garnizon i shkretëtirës në autostradën e rëndësishme strategjike Bagdad-Damask, pranë kufirit me Irakun dhe Jordaninë.
Sulmi ndodhi afër Iranit, i cili është një aleat kyç i qeverisë siriane. Koalicioni ngriti bazën në vitin 2016 për të trajnuar luftëtarët sirianë për luftën kundër Shtetit Islamik të Irakut dhe Levantit (ISIL).
Nga ana tjetër qeveria siriane ka shprehur vazhdimisht kundërshtimin e saj ndaj rolit të SHBA-së në Siri dhe ka kërkuar që forcat amerikane të tërhiqen.
