TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Delegacioni iranian, i udhëhequr nga kryetari i parlamentit Mohammad Bagher Ghalibaf, ka mbërritur në Islamabad, ku janë planifikuar bisedimet e paqes me Shtetet e Bashkuara, njoftoi televizioni shtetëror iranian.
Sipas raportimeve, në delegacion bën pjesë edhe ministri i Jashtëm Abbas Araghchi. Televizioni shtetëror ka përsëritur qëndrimin e Teheranit se bisedimet do të nisin vetëm nëse Uashingtoni pranon “parakushtet e Iranit”.
Kryeministri i Pakistanit Shehbaz Sharif deklaroi se zyrtarë iranianë do të marrin pjesë në bisedimet e planifikuara për nesër në Islamabad me Shtetet e Bashkuara, megjithëse Irani ende nuk e ka konfirmuar zyrtarisht pjesëmarrjen.
Ai u shpreh në një fjalim drejtuar kombit se, në përgjigje të ftesës së tij, përfaqësues nga të dy vendet do të mblidhen në Islamabad për negociata që synojnë vendosjen e paqes.
Ndërkohë, zëvendëspresidenti i SHBA-së JD Vance ndodhet rrugës për në Pakistan.
Irani ka kërkuar më herët një armëpushim në Liban dhe zhbllokimin e aseteve të tij si parakushte për çdo dialog me Uashingtonin, duke hedhur dyshime mbi ecurinë e procesit të negociatave.
