BOTA, 24 Shkurt 2024, 22:50

Bill Clinton për luftën në Ukrainë: Kostoja e mosveprimit do të ishte e pallogaritshme

Bill Clinton për luftën në Ukrainë: Kostoja e mosveprimit do

Ish-presidenti i Shteteve të Bashkuara të Amerikës, Bill Clinton, ka thënë se Ukrainës duhet t’i bëhet mbështetje e fuqishme në luftën e saj me Rusinë.

Ai në dyvjetorin e nisjes së pushtimit të Ukrainës ka theksuar se çmimi i mosveprimit mund të jetë tepër i lartë.

“Pas dy vjetësh të guximit dhe qëndresës populli i Ukrainës vazhdon ta mbrojë tokën e vet nga një pushtim i paprovokuar në shkallë të gjerë. Lufta e tyre për liri kundër një armiku të demokracisë ka nevojë për mbështetjen tonë të madhe”, ka shkruar Clinton.

“Kostoja e mosveprimit, për Ukrainën, Amerikën dhe botën, mund të jetë e pallogaritshme”.