TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Presidenti amerikan Donald Trump ka deklaruar se kryeministri britanik Keir Starmer pritet të japë dorëheqjen nga posti i tij të hënën, duke e akuzuar për dështim në menaxhimin e emigracionit dhe politikave energjetike.
Në një postim në platformën e tij Truth Social, Trump pretendoi se Starmer ka dështuar në dy nga çështjet më të rëndësishme për Britaninë e Madhe, pa ofruar prova apo burime që mbështesin këtë pretendim.
“Keir Starmer do të japë dorëheqjen nga posti i kryeministrit të Mbretërisë së Bashkuar. Ai dështoi në mënyrë spektakolare në dy çështje shumë të rëndësishme: emigracionin dhe energjinë. Hapni fushat e naftës në Detin e Veriut! I uroj çdo sukses”, shkroi Trump.
Deklarata e presidentit amerikan vjen mes debateve të vazhdueshme në Britani për politikat e emigracionit dhe sigurinë energjetike, ndërsa deri tani nuk ka pasur asnjë konfirmim zyrtar nga zyra e kryeministrit britanik për një dorëheqje të mundshme të Starmer.
