TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas gjesteve të shëmtuara në stadium ku ultrasit sllovenë shkelën me këmbë simbolet e Kosovës, targat e shumë makinave të tifozëve nga Kosova kanë mbetur pa targa.
Ambasada e Republikës së Kosovës në Lubjanë ka njoftuar të gjithë shtetasit kosovarë që kanë mbetur pa targa të automjeteve gjatë mbrëmjes së kaluar, duke iu bërë thirrje atyre që të lajmërohen për këshilla dhe asistencë lidhur me kthimin në Kosovë.
Në njoftim theksohet se rastet e tilla duhet të paraqiten fillimisht te Policia e Republikës së Sllovenisë, për të marrë dokumentacionin dhe informacionin e nevojshëm.
Pas këtij hapi, Ambasada e Kosovës është e gatshme të ofrojë asistencë për procedurat e mëtejshme dhe këshilla të nevojshme për kthim të sigurt në vend.
Ambasada ofron një linjë emergjente për çdo informacion ose ndihmë shtesë: +386 31 465 221.
Shtetasit e Kosovës mund të kontaktojnë këtë numër për të marrë udhëzime të detajuara dhe për të siguruar që kthimi i tyre në Kosovë të bëhet pa pengesa.
Në fund të njoftimit, Ambasada shprehe falënderime për bashkëpunimin e shtetasve dhe apelon që të respektohen procedurat zyrtare për të shmangur vonesa ose probleme gjatë procesit të rikthimit.
Mbrëmë në Slloveni u zhvillua ndeshja Kosovë-Slloveni e cila përfundoi me rezultat 2:0.
