TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Në Dhomat e Specializuara të Kosovës në Hagë janë caktuar datat për zhvillimin e seancave në çështjen që lidhet me ish-presidentin Hashim Thaçi dhe disa të pandehur të tjerë, të akuzuar për vepra kundër administrimit të drejtësisë.
Sipas njoftimit zyrtar nga Dhomat e Specializuara të Kosovës, seancat do të mbahen gjatë periudhës 11–15 maj 2026.
“Në çështjen Thaçi dhe të tjerët në lidhje me akuzat për vepra kundër administrimit të drejtësisë, janë caktuar seanca për periudhën nga 11 deri 15 maj 2026”, thuhet në njoftim.
Ky zhvillim vjen pas anulimit të trefishtë të seancave të planifikuara për muajin prill, pa u dhënë shumë detaje shtesë mbi arsyet e shtyrjes.
Në këtë çështje, përveç Thaçit, nën akuza janë edhe Bashkim Smakaj, Fadil Fazliu, Isni Kilaj dhe Hajredin Kuçi.
Të pandehurit përballen me akuza që lidhen me ndërhyrje të pretenduara në proceset gjyqësore, përfshirë ndikimin mbi dëshmitarë dhe pengimin e drejtësisë, ndërsa procesi pritet të jetë një nga më të ndjeshmit në kuadër të funksionimit të gjykatës speciale në Hagë.
