TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Konfliktet mes adoleshentëve me përdorim të mjeteve të mprehta shënohen dhe në Greqi, ku vetëm dy ditë më parë, më 15 dhjetor në Kipseli, një vajzë 16-vjeçare plagosi me thikë një bashkëmoshatare të saj në ambientet e shkollës.
Sipas mediave greke, e gjitha nisi për shkak të ofendimeve, ndërsa autorja 16 vjeç, sapo ishte transferuar në këtë shkollë dhe ishte dita e saj e parë.
Arsyeja e transferimit ka qenë për të njëjtën arsye, mbajtje të mjeteve të mprehta dhe konfliktet fizike të ashpra me bashkëmoshatarët e saj.
Vajza e plagosur ndodhet jashtë rrezikut për jetën, pasi plagën e mori në krahë.
Pas kësaj ngjarjeje, nxënësit dhe prindërit e kësaj shkolle kanë protestuar për sigurinë e të miturve, për shkak se dihej që 16-vjeçarja e transferuar ishte ‘problematike’ për nga sjellja sepse ajo ka plagosur dhe dy bashkëmoshatarë të tjerë më parë. Ngjarja ndodhi që në ditën e saj të parë të transferimit në shkollën e re në Kipseli.
Por, ditën e sotme, 16 dhjetor, protesta e nxënësve mori një formë tjetër, aspak e dhunshme. Nxënësit arritën të kyçnin brenda zyrës së tyre, drejtorin dhe nëndrejtorin e kësaj shkolle, si një mesazh për të gjithë ngjarjen që mund të parandalohej, teksa kërkesa e të miturve është mbrojtje në ambiente shkollore.
Stafi u detyrua të telefononte policinë për të hapur dyert e zyrave dhe për të vënë sadopak rregull në ambientet shkollore.
16-vjeçarja sakaq, ka dëshmuar për uniformat blu se e mitura e plagosur e ofendoi. Ajo ndodhet në paraburgimin e të miturve sipas sistemit grek.
