BALLKAN, 21 Shkurt 2024, 12:01

Akuza e Sanduloviç: Më dhunuan krerët e listës serbe, pas sulmit qëndron Vuçiç

Akuza e Sanduloviç: Më dhunuan krerët e listës serbe, pas

Në një intervistë për RTK politikani opozitar serb Nikolla Sanduloviç, i cili u dhuna nga agjentët e shërbimit sekret pasi bëri homazhe për familjen Jashari në Prekaz, ka deklaruar se pjesë e personave që e torturuan kanë qenë dhe krerët e Listës Serbe. Ai ka akuzuar Milan Radojiçiç, Goran Rakiç si dhe udhëheqësin e bandave në veri, Zvonko Veselinoviç.

“I kam njohur fytyrat, të cilët janë shumë të njohur për ju. Personi që më ka xhiruar me telefon ka qenë edhe kryetar i Listës Serbe, Goran Rakiç, ndërsa personat e tjerë kanë qenë me maska. Ekziston mundësia e madhe që njërin prej tyre e kam njohur dhe mund ta them se ka qenë Milan Radoiçiç. Personi tjetër, i cili me ka grushtuar pas koke me siguri të madhe mund të them se ka qenë Zvonko Veselinoviç”, ka deklaruar Sanduloviç.

Sipas Sanduloviç, president i Serbisë qëndron pas tentativës për vrasjen e tij.

“Pra, situata është vetëm vazhdimësi e asaj që keni dëgjuar nga historitë e mia dhe ndodhive mes meje dhe Aleksandër Vuçiçit. Por tani presioni është edhe më i madh dhe kërcënimet janë të dukshme dhe të hapura, siç janë kërcënimet me jetë, dhunime, djegie të shtëpisë e kështu me radhë. Vuçiç është personi i cili qëndron pas kësaj dhe lirisht mund të them tentim për vrasje”, shtoi Sanduloviç.

Ndër të tjera politikani opozitar ka theksuar se deri më tani autoritetet nuk janë marrë me hetimin e dhunës ndaj tij.