TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryeministri Edi Rama sërish këtë mëngjes ka reaguar për protestat qytetare, që kundërshtojnë projektin për investim në zonën e Zvërnecit në Vlorë si dhe kërkojnë largimin e tij nga qeveria.
Në Facebook, kreu i qeverisë ka publikuar një intervistë të një protestuesi dhënë për News24, ndërsa shprehet i vendosur se ‘Shqipëria do bëhet sipas kontratës që kemi lidhur për herën e katërt në majin e shkuar me 83 vota’.
Një mesazh Rama kishte edhe për qytetarët që kanë votuar për PS, por që kanë dalë të protestojnë, duke thënë se janë “peng i një proteste të cilës i ka humbur çdo arsye reale e nisjes”
“Mirëmëngjesi dhe me ndjesën për këtë video-kartolinë të pazakonshme nga “Shqipëria e shqiptarëve”, e duke i siguruar të gjithë se Shqipëria do bëhet sipas kontratës që kemi lidhur për herën e katërt në majin e shkuar me 83 vota, pavarësisht se ça thonë e ça duan këta shqiptarët që e dinë Shqipërinë pengun e verbërisë së tyre dhe atdhedashurinë podium për të sharë me libër shtëpie tradhëtarët e armiqtë imagjinarë Shqipërisë, ju uroj një ditë të mbarë me një përqafim të veçantë për ata të mitë që kanë mbetur akoma peng i një proteste të cilës i ka humbur çdo arsye reale e nisjes”, shkruan Rama.
