TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Dy burra të maskuar kanë ekzekutuar një grua 26-vjeçare në Brazil pasi e ndoqën në një supermarket përpara se ta vrisnin në makinën ku ajo u përpoq të fshihej.
Siç shihet në videon e regjistruar nga një kamera sigurie, Adriana Silva dos Santos u përpoq t’u shpëtonte xhelatëve duke vrapuar në mes të korridoreve të një supermarketi në qytetin Iberatriz, në veri të Brazilit. Megjithë përpjekjet e saj, duke tentuar të fshihet në supermarket autorët e kanë qëlluar me pistoletë.
Në një moment, 26-vjeçarja shihet duke dalë nga dyqani dhe duke tentuar të strehohet në një makinë. Megjithatë, dy personat e armatosur nuk janë ndalur por kanë qëlluar 26-vjeçaren duke e plagosur për vdekje.
Edhe pse drejtuesi i makinës e çoi 26-vjeçaren në spital, ajo nuk ia doli dot pasi iu nënshtrua plagëve të marra. Siç raportohet 26-vjeçarja kishte vuajtur më parë një dënim me burg për trafik droge dhe së fundmi ishte zhvendosur në Iberatriz. Vlerësimi i parë i punonjësve të policisë që kanë marrë përsipër rastin kthehen në një vrasje të lidhur me një rast droge.
