TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Gjykata e Lezhës la të lirë kryetarin e Njësisë Administrative Fushë-Kuqe në Kurbin Kristo (Fred) Martinaj.
Ai u njoh këtë të enjte me masën e sigurisë dhe gjyqtarja Edlira Çota pranoi kërkesën e prokurorit Francesk Ganaj, duke vendosur masën e sigurisë detyrim paraqitje dhe bllokim të pasaportës për 55-vjeçarin.
Ai u arrestua dy ditë më parë pasi dyshohet se kishte porositur shtetas të ndryshëm për të hedhur inerte në lagunë në afërsi të lokalit të tij në Patok. Ndaj tij u ngrit akuza pushtimi i tokës dhe shpërdorim detyre.
