AKTUALITET, 4 Shkurt 2023, 16:30

Ulet sërish çmimi i karburanteve, ja me sa lekë do të shiten nafta dhe benzina

Ulet sërish çmimi i karburanteve, ja me sa lekë do të

Bordi i Transparencës ka vendosur të ulë sërish çmimin a karburanteve në vendin tonë. Sipas vendimit të sotëm, nafta do të shitet me 190 lekë për litër, nga 192 lekë që u vendos një ditë më parë.

Edhe benzina është ulur me 2 lekë, ku nga sot do të shitet me 185 lekë për litër nga 187 që ishte më parë.

Ndërsa çmimi i gazit ka pësuar rritje me 4 lekë, ku do të shitet me 75 lekë për litër.

Çmimet e përcaktuara nga Bordi i Transparencës do të hyjnë në fuqi sot pas orës 18:00.

Vendim i Bordit të Transparencës- 04.02.2023

Vendimet e Bordit të Transparencës në datë 4 Shkurt 2023 kanë ndryshime të çmimit nga ai i përcaktuar në mbledhjen e fundit.

Si rrjedhojë çmimet e vendosura janë :

Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 190 lekë/litri, ndërsa i shitjes me shumicë jo më shumë se 178  lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 185  lekë/litri, ndërsa i shitjes me shumicë jo më shumë se 173 lekë/litër.

Çmimi i shitjes me pakicë i nënproduktit gaz, të jetë 75 lekë/litri me pakicë dhe i shitjes me shumicë 63  lekë/litër për automjetet.

Çmimi i gazoilit për peshkim është vendosur 96 lekë/litër.

Çmimet e caktuara nga Bordi do të hynë në fuqi në datë 4 Shkurt, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

Bordi i transparencës që në krijimin e tij i është përmbajtur me përpikmëri në vendimet e tij lëvizjes së bursës Platts të Mesdheut për gazoilin, benzinën, si dhe faturave zyrtare të operatorëve.

Ministria e Financave dhe Ekonomisë ndjen detyrimin të sqarojë opinionin publik se jo çdo lëvizje e bursës së naftës bruto reflektohet në të njëjtën kohë dhe në të njëjtën masë në bursën e gazoilit dhe benzinës.