TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Gazetari Armir Shkurti, anëtar i Grupit të Punës për krijimin e Kuvendit Kombëtar Qytetar, në mbështetje të protestës dhe Arbër Lleshi, pjesë e grupit organizator të protestës kundër qeverisë, u përfshinë në debat në emisionin “Të Paekspozuarit” në MCN TV për debatin nëse duhet të ketë protesta një përfaqësi.
Debati
Shkurti: Kjo është një protestë popullore dhe shumë rryma, shumë kërkesa, shumë përfaqësi, janë të papërfaqësuar dhe disa episode të establishmentit për të përdorur dhunën, si mund që një popull i ngritur të hyjë në qerthullin e dhunës pa kokë.
Dhuna pa kokë do të çojë protestën siç e çoi në duart e një force politike dhe që protesta të rrijë pjesë e popullit, ne kemi sugjeruar, jo të marrin ne protestën, jo të bëjmë ne kuvendin tonë dhe të nxjerrim deputetët tanë.
Lleshi: Një kuvend e ka Shqipëria.
Shkurti: Ai është kuvend formal që ti i ke goditur me vezë.
Lleshi: Unë i kam gjuajtur atij që ka uzurpuar Kuvendin.
Shkurti: Po ne nuk do t’i zëvendësojmë ata.
Lleshi: Më fal se nuk i kam gjuajtur kujt me vezë, kam gjuajtur mikrofonin e Top Channel dhe mund ta bëj prapë, por jo personave jo gazetarëve.
Shkurti: U kanë gjuajtur deputetëve dhe shumë mirë kanë bërë, sepse ata deputetë ka miratuar ligjet e zhbërjes së Shqipërisë. Në këto kushte ne nuk kemi një kuvend, se Kuvendin na e kanë uzurpuar. Çështja është mbledhja e popullit.
Lleshi: Populli është mbledhur në shesh.
Shkurti: Populli është lara-lara, ke nga arkivoli, te ai me papijon. Kush ju çoi te Kuvendi ju? Është kaos pa përfaqësi, është shpërdorim i protestës. Është kapje e protestës nga ata që po e kapin.
Lleshi: Zoti Rakipi: Nuk e dija që kishte teori konspirative që ne jemi kapës të protestës.
Shkurti: Ka kapës të protestës, por nuk je ti.
