AKTUALITET, 12 Shkurt 2024, 12:01

“Punoi si pastruese në pallatin e të arrestuarit”, daja i vajzës që u vetëhodh pasi i publikuan foton intime: Të vrasësh vetën për një plehrë!

“Punoi si pastruese në pallatin e të arrestuarit”, daja i

Nuk kishte asnjë shqetësim! Kështu deklaron daja i 27-vjeçares e cila u vetëhodh nga kati i katërt, pasi i publikuan një foto intime. Ishte 39-vjeçari Altin Çoku ai që e ka kërcënuar të renë, pasi kanë pasur një raport sëbashku.

“Jam daja e të ndjerës. Nuk e di se si ka ndodhur kjo gjë. Rastësisht mësova nga një qytetar se personi në fjalë është arrestuar. Ajo po bënte rreth një muaj e ca në Tiranë. Ka një vajzë të vogël 2 vjeçe, ishte e martuar në Kosovë. Nuk ishte e divorcuar. Kemi qeshur, kemi luajtur, nuk kishte stres. Kemi qarë halle familjare, nuk ka pasur probleme. Akuzoj personin në fjalë që është akuzuar nga Policia e Shtetit. Mbesa nuk kishte asnjë lloj stresi.

Do të iki prapë në Kosovë. I shoqi erdhi dje nga Kosova. T’i japësh fund jetës për një plehrw, për një person që nuk ka vlerë, jam i tronditur”, tha daja për gazetarët.

Ndërkohë, halla e viktimës tha se e reja punonte si pastruese në pallatin e ku banonte i arrestuari.

“Mbesa punonte si pastruese te pallati ku banonte i arrestuari”, tha ajo.