AKTUALITET, 25 Janar 2023, 10:26

Padi e re për 21 janarin, Gjiknuri: Garda u urdhërua nga lart. Drejtësia e re është treguar e pafuqishme deri sot

Padi e re për 21 janarin, Gjiknuri: Garda u urdhërua nga lart.

Partia Socialiste do të dorëzojë sot në SPAK padinë penale ndaj Sali Berishës, Lulzim Bashës dhe Ndrea Prendin në lidhje me ngjarjen e ndodhur në protestën e 21 janarit, ku u vranë katër protestues në bulevard.

Në një dalje për mediat nga selia rozë, sekretari i përgjithshëm i PS, Damian Gjiknuri deklaroi se dialogjet e reja të bëra publike tregojnë se vrasjet u urdhëruan nga lart.

“PS do të depozitojë sot në SPAK padi penale ndaj Sali Berishës, Lulzim Bashës dhe Ndrea Prendin. Dialogjet e bëra publike tregojnë se vrasjet u urdhëruan nga lart. E kemi drejtuar gishtin te Sali Berisha menjëherë pas ngjarjeve tragjike.

Nuk besoj se ka pasur qytetarët që nuk e kanë kuptuar që porositësit ishin Sali Berisha dhe Lulzim Basha, Drejtësia e kohës zgjodhi të mos e shikonte. Edhe drejtësia e re është treguar e pafuqishme. Prova e re e bërë publike përmban të dhëna mbi fakte të reja që nuk i janë nënshkruar hetimeve të mëparshme. Janë dhënë urdhra për të shtënë me armë zjarri ndaj personave të pafajshëm. Përfshirja e ministrit Lulzim Basha në komunikim me radio rezulton e provuar.

Ndërhyrja e tij është bërë me porosi për të dhënë urdhrin e Sali Berishës. Nga deklarimet e bëra publike, krijohet bindja se Berisha ka qenë nën drejtimin e gardës përmes komunikimit me Bashën dhe Prendin. Nuk kemi të bëjmë me vrasje nga pakujdesia”, deklaroi ai.

Padi e re për 21 janarin, Gjiknuri: Garda u urdhërua nga lart.