TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një tjetër valutë e konsiderueshme është kapur gjatë kontrolleve në Portin e Durrësit.
Një shumë prej 19 mijë eurosh të padeklaruara është sekuestruar nga Policia Kufitare dhe Dogana, gjatë kontrolleve të ushtruara nga autoritetet.
Sipas njoftimit zyrtar, operacioni u zhvillua mbrëmjen e kaluar në kuadër të masave të shtuara për parandalimin dhe goditjen e shkeljeve doganore.
“Gjatë kontrollit të mjeteve dhe pasagjerëve në dalje të territorit të Republikës së Shqipërisë, përpara imbarkimit në linjën detare Durrës–Bari, shërbimet konstatuan dhe sekuestruan shumën prej 19,000 eurosh, e cila nuk ishte deklaruar sipas detyrimeve ligjore”, thanë burime zyrtare.
Rasti është referuar pranë organeve kompetente për kryerjen e veprimeve të mëtejshme procedurale dhe hetimore.
