TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Analisti Enton Abilekaj dhe Halit Valteri, anëtar i Këshillit bashkiak të Tiranës si përfaqësues i PS-së, debatuan në emisionin “Të Paekspozuarit” në MCN TV për prokurorin e posaçëm Ols Dado që heton Erion Veliajn. Ndërsa Valteri tha se Dado është shok klase me vajzën e Berishës, Abilekaj u kujtoi atij se më parë ka qenë me PD-në dhe tani është me PS-në.
Pjesë nga debati
Valteri: Në fund fare del që shoku i klasës së vajzës së vet, Ols Dado, qenka burrë i mirë. Jo thotë këtu funksionon drejtësia.
Abilekaj: Ols Dadon, shok klase me Argitën e bënë...
Valteri: Nëse nuk e di që ka qenë shok klase me Gitën?
Abilekaj: Po ç’lidhje ka?
Valteri: Si ç’lidhje ka?
Abilekaj: Ti ke qenë një herë me PD-në, tani je me PS-në. Ç’lidhje ka?
Valteri: Po ça rëndësie ka? Jo s’kam pas parti tjetër. Po halli është këtu që nëse ti ke interesa politike, nuk mund të gjykosh kryetarin e bashkisë për korrupsion, kur ke kërkuar leje ndërtimi te Bashkia, kur të është refuzuar leja.
Rakipi: S’ka lidhje, se ti e di mirë, si edhe unë. Lejen e ndërtimit e ka marrë kompania Alb-Edil dhe jo prokurori.
Valteri: S’ka rëndësi se ka qenë pronar toke.
Rakipi: Pronar toke mund të jesh edhe ti.
Valteri: Ka ndërhyrë për lejen e ndërtimit.
Rakipi: Këtë nuk e kemi të verifikuar. E thotë Erion Veliaj dhe ai mund të thotë shumë gjëra. Pse nuk e ka thënë më parë Veliaj këtë? Pastaj këtu lejet nuk i jep kryetari i Bashkisë, apo jo?
Abilekaj: Pse e quante më parë koleg dhe tani hetues?
