TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ish-ambasadori i Shqipërisë në Kosovë, Qemal Minxhozi, ka reaguar pas ndarjes nga jeta të akademikut shqiptar Rexhep Qosja.
Ndërsa e cilëson si një nga figurat më të rëndësishme të kombit shqiptar, ish-diplomati ndau edhe dhimbjen e tij për lajmin e hidhur.
“Me dhimbje të thellë mësova lajmin për ndarjen nga jeta të Akademikut Rexhep Qosja, rilindasit të fundit të Kombit Shqiptar”, ka deklaruar Minxhozi.
Ndërkohë, familjarët e të ndjerit kanë njoftuar se ceremonia e varrimit tashmë ka përfunduar dhe është mbajtur në Prishtinë, vetëm në praninë e anëtarëve të ngushtë të familjes.
Sipas tyre, duke respektuar dëshirën e vetë akademikut, nuk do të organizohen pritje familjare dhe as nuk do të ketë pjesëmarrje në organizime institucionale për homazhe apo ngushëllime.
Vdekja e Rexhep Qosjes ka nxitur reagime të shumta nga figura publike, akademike dhe politike në mbarë hapësirën shqiptare, duke e vlerësuar kontributin e tij të jashtëzakonshëm në letërsi, histori dhe mendim kritik.
