TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Në mbështetje të protestave që po zhvillohen në Shqipëri, emigrantë shqiptarë në Berlin kanë zhvilluar një protestë para ambasadës shqiptare, duke kundërshtuar ndërtimet në zonat e mbrojtura, përfshirë edhe debatin për Zvërnec.
Tubimi është mbajtur në orën 18:00, ku pjesëmarrësit kanë shprehur mbështetje për protestuesit në Tiranë, Vlorë dhe në zona të tjera të vendit, duke theksuar se çështja e mbrojtjes së natyrës nuk kufizohet vetëm në një vend të caktuar.
“Natyra është e jona” ishte një nga thirrjet kryesore të protestuesve, të cilët kanë ngritur akuza ndaj qeverisë, por edhe ndaj opozitës, për mënyrën si po menaxhohen zonat e mbrojtura dhe pasuritë natyrore.
Në deklaratat e tyre, emigrantët theksuan se protesta nuk lidhet vetëm me interesin e tyre personal, por edhe me të ardhmen e prindërve dhe fëmijëve në Shqipëri, duke kërkuar të drejtën për të pasur akses të lirë në natyrë dhe hapësirat e gjelbra.
Ata u shprehën se detyra e tyre morale është të reagojnë ndaj, siç e cilësojnë, shkatërrimit të natyrës që, sipas tyre, ka vijuar prej dekadash.
Protesta në Berlin vjen si pjesë e një vale reagimesh brenda dhe jashtë vendit kundër projekteve të debatueshme në zonat bregdetare dhe të mbrojtura të Shqipërisë.
